WIE IS ONS?
Die veiligheid en sekuriteitskommissie word gelei deur ʼn klein groepie manne wat jare ervaring het in polisiering, risikobestuur en sekuriteit, bygestaan deur ʼn hele aantal lidmate wat hulle tyd en bystand vrywilliglik aanbied. Die Sameroeper is tans oudl. Jan Rehder.

WAT DOEN ONS?
Soos die naam aandui, is die kommissie verantwoordelik vir aspekte rondom die beveiliging van die kerkgeboue en terrein, asook die optimale funksionering van spanne wat die veiligheid van lidmate en besoekers tydens gemeentebyeenkomste verseker. Skakeling vind plaas met die gekontrakteerde sekuriteitsmaatskappy rakende die monitering van alarmstelsels, kameras, patrollies van reaksiebeamptes en statiese wagdiens. Die sekuriteitspanne het direkte radiokontak met die Gemeenskaps-polisiëringsforum (GPF) sou daar ’n insident plaasvind waartydens bv. die polisie, ambulans of brandweer benodig word.

Hierdie kommissie het ’n gesonde wisselwerking met kommissies verantwoordelik vir die Geboue en Terreine, asook vir Staande Administrasie en Kommunikasie.